Një gur kilometrik i rëndësishëm për sektorin energjik të Shqipërisë u shënua sot ndërsa filloi puna nga Gazsjellësi Trans Adriatik (TAP) pranë Çorovodës, në jug të Shqipërisë. Kryeministri Edi Rama mori pjesë në cermoninë e hapjes dhe foli mbi rëndësinë e këtij projekti masiv për të gjithë Evropën.
Faza e parë e punës do të konsistojë në ndërtimin e 100 km rrugë ndihmëse, ngritjen nga fillimi të 3 urave të reja, dhe rehabilitimin e mbi 40 urave ekzistuese.
Drejtori Menaxhues i TAP-it Ian Bradshaë tha: “TAP ka si qëllim të ndërtojë një gazsjellës modern që do të sjellë gazin kaspik në Evropë në fillim të vitit 2020 dhe me siguri të plotë. Ndërtimi i rrugëve dhe urave ndihmëse në Shqipëri është një pikë kritike për progresin e projektit tonë”. A gjithashtu shtoi se projekti do të mbrojë mjedisin dhe nuk do të dëmtojë komunitetet përmes të cilave do të kalojë linja e gazit.
I pranishëm në eventin e lançimit ishte gjithashtu Ambasadori zviceran Christoph Graf së bashku me përfaqësues të tjerë diplomatikë. Mbështetja zvicerane për Gazsjellësin Trans Adriatik është e dyfishtë: një kompani private zvicerane mban 5% të aksioneve të TAP, ndërsa qeveria zvicerane dha rreth 6 milion Euro këtë vit për të ndihmuar Shqipërinë që të maksimizojë përfitimet e saj nga linja e re e gazit.
TAP pritet të ketë një impakt në punësimin, si dhe në sigurinë dhe diversifikimin e energjisë.