Өнөөдөр тус наадам нь олон нийт, ялангуяа залуучуудад өөр өөр үндэстний соёлыг илүү сайн ойлгоход хувь нэмэр оруулах, урлагийн гайхамшиг, соёлын олон талт байдлыг кино урлагаар дамжуулан таниулах зорилготой Улаанбаатар хотын хамгийн нэр хүндтэй, өргөн цар хүрээтэй арга хэмжээний нэг болжээ.
Жил бүр уламжлал болон зохион байгуулагддаг “Улаанбаатар” олон улсын кино наадам нь 2022 оны 10 дугаар сарын 17-ноос 24-ний өдрүүдэд үргэлжлэн явагдаж байгаа ба энэ жилийнхээ хөтөлбөрт томоохон өөрчлөлт оруулсан байна. Чадавх бэхжүүлэх арга хэмжээний хүрээнд наадмын зохион байгуулагчид УБОУКН олон улсын хөтөлбөрийн хүрээг өргөжүүлэх, олон улсын кино наадмуудтай тогтвортой сүлжээг бий болгох зорилгоор орон нутгийн кино найруулагчдыг сургахаар болсон. УБОУКН-д орон нутгийн кино урлагийг өргөнөөр оролцуулахын тулд Монголын Урлагийн Зөвлөл нь үндэсний нэр хүндтэй кино продюсер, шүүмжлэгчдээс бүрдсэн төрөл бүрийн кино урлагийн салбарын төлөөлөл болох Уран сайхны хороог байгуулан ажиллаж байна. Швейцарын хөгжлийн агентлагийн дэмжлэгтэйгээр Уран сайхны хорооны гурван гишүүн Францын Канн хотод очиж Монголын Үндэсний Киноны Зөвлөл (МҮКЗ)-тэй хамтран Улаанбаатарын кино наадмыг толилуулсан. Хорооны гишүүд МҮКЗ-өөс зохион байгуулж буй хөтөлбөрүүдэд идэвхтэй оролцож, Локарногийн баг, Венецийн фестиваль, УБОУКН-ын олон улсын кино найруулагчидтай уулзалт зохион байгуулсан байна.
2020 оноос эхлэн Локарно кино наадмын нэг хэсэг болох “Үзэхийн хязгаар” хэсгийг 20-р зууны Монголын нэгэн киног сонгон англи хадмалтайгаар Монголын үзэгчдэд толилуулж эхэлсэн бөгөөд энэхүү киноны зураг нь жил бүр УБОУКН-ын сэдвийг агуулсан байдаг. 2022 он бол наадмын түүхэнд онцгой жил юм. Локарногийн кино наадамтай урт хугацааны хамтын ажиллагааг бий болгосноор Монголын кино урлагийг гадаадад сурталчлах, кино бүтээгч, продюсеруудын чадавхыг дээшлүүлэх асар том боломжийг бидэнд олгож байна. Урлагийн зөвлөлийн гишүүд Монголын үндэсний кино зөвлөлтэй хамтран “Улаанбаатар Кино Наадам”-ыг Каннын олон улсын кино наадамд толилуулсан гэдгийг хэлэхэд таатай байна. Монгол киног олон улсад хүлээн зөвшөөрч, дэлхий дахинд монгол киног үзэх сонирхол нэмэгдэж байна. Үнэхээр гайхалтай үйл явдал юм! Халуун баяр хүргэе ээ!
Локарногийн кино наадмын Нээлттэй хаалга хөтөлбөртэй хамтарсан бүтээлч ажиллагааны ачаар “Улаанбаатар кино наадам” хүрээгээ тэлж, Монголд тусгайлан “Кино форум” зохион байгууллаа. Энэ жил бид Ази Номхон далайн бүс нутгийн улс орнууд болох Пакистан, Балба, Өмнөд Солонгос зэрэг улсаас “Нээлттэй Хаалга Хөтөлбөр”-т хамрагдан төгссөн оролцогчид хүрэлцэн ирж, мэдлэг, туршлагаа хуваалцсан билээ. Форумын зорилго нь Ази Номхон далайн бүсийн кино урлагийн мэргэжилтнүүдийн хамтын ажиллагааг дэмжих, орон нутгийн кино үйлдвэрлэлийн чадавхыг цаашид бэхжүүлэх явдал байв. Швейцарын хөгжлийн агентлаг нь орон нутгийн соёлын өвөрмөц онцлогууд, урлагийн олон талт байдлыг төлөвшүүлэх, Монгол Улсын нийгмийн өөрчлөлт, хөгжилд урлагийг бүтээлчээр ашиглахыг дэмжин ажиллаж байна.
Дэлгэрэнгүй мэдээллийг эндээс авна уу.
