Destinaziun Svizra taliana
Sin invit dal chantun Tessin parta il president da la Confederaziun Ignazio Cassis ils 14 da settember 2022 cun il tren spezial davent da Berna per viagiar en la Svizra taliana. Là han lieu las festivitads per ses onn presidial. Sin ses viadi vegn el accumpagnà dal cusseglier federal Guy Parmelin sco er da parlamentarias e parlamentaris, da collavuraturas e collavuraturs da l'administraziun federala e da giasts illusters da l'entira Svizra. Il tren sa ferma quatter giadas per inscunters cun represchentantas e represchentants d'autoritads chantunalas e communalas sco er cun la populaziun.
L'avantmezdi a las 11.00. A la staziun a Berna stat in tren spezial per il president da la Confederaziun cun destinaziun Lugano. Il viadi en il Tessin maina sur la veglia lingia dal Gottard – ch'è in simbol per la diversitad da la Svizra. Sin via vers Lugano sa ferma il tren trais giadas: ad Airolo, a Biasca ed a Bellinzona. A Lugano han lieu las festivitads per l'elecziun dal president da la Confederaziun Ignazio Cassis. La festa era planisada per il december 2021, ha dentant stuì vegnir spustada pervia da la pandemia dal coronavirus.
Il viadi da return maina la saira tras il nov tunnel da basa dal Gottard – che represchenta la forza innovativa da la Svizra. Quest tunnel n'ha betg mo battì tut ils records, mabain ha er laschà s'avischinar il nord ed il sid dal pajais. La diversitad e l'innovaziun èn dus elements da success da la Svizra. Els èn il fil cotschen durant l'entir onn presidial 2022.
Bildergalerie
Staziuns
Ad Airolo, a Biasca, a Bellinzona ed a Lugano datti inscunters cun represchentantas e represchentants da las autoritads e da la populaziun da l'entira Svizra taliana. Las vischnancas tessinaisas participadas han tschernì ina fotografia represchentativa da lur regiun, ch'ellas vegnan a regalar al president da la Confederaziun.
Agenda dal president da la Confederaziun
Dapi il cumenzament da l'onn presidial èn passads bunamain 9 mais. Ils temas diversitad ed innovaziun furman vinavant il fil cotschen dals differents inscunters en Svizra ed a l'exteriur. La Ukraine Recovery Conference ch'è vegnida organisada en la Svizra italofona, è stada in term impurtant. Curtas novitads e fotografias dattan ina invista dals inscunters d'enfin ussa dal president da la Confederaziun Ignazio Cassis.
Link
Documenti
Discorso del consigliere federale Guy Parmelin, capo del Dipartimento dell’economia, della formazione e della ricerca (francese)
Discorso del Presidente del Consiglio di Stato del Canton Ticino Claudio Zali (italiano)
Discorso della presidente del Consiglio nazionale Irène Kälin (tedesco)
Intervento del Sindaco della Città di Lugano Michele Foletti (italiano)
Intervento di Ettore Patuzzi e Chiara Botturi, rappresentanti di classe della classe 3A del Liceo Cantonale di Lugano 1v (italiano)
Intervento di Gina La Mantia, Presidente del Gran Consiglio del Canton Ticino (italiano)
Le foto dei comuni
Contatto
Segreteria generale SG-DFAE
Palazzo federale Ovest
3003 Berna